Ñañepyru hagua
Pejúke ñañembo’e
oñondive ñañesũ
ha upéi ñapu’ã ñas
ñamboguata kurusu.
Kiritópe ñamoirũ
oiméva opa araite
omeevo hekove
tuichaitégui imborayhu.
Jepyta peteiha: Mburuvichakuéra he’ihápe Jesús ojejukava’erãha.
1° ESTACIÓN:
Jesús es condenado a muerte.
- Romomba’e guasu Ñandejára Jesucristo. - Kurusu marangatúre ehechauka orerayhuha.
- Te adoramos, Cristo, y te bendecimos - Porque por tu Santa Cruz redimiste
al mundo.
“Péina ápe kuimba’e”,
he’i Pilato oikuaa’yre.
“Che ndajuhúi hese
mba’eveichagua ivaíva”.
“Emosaingo kurusúre”,
osapukaipa hikuái.
“Emosaingo kurusúre,
tomano ko Aña memby”.
“Ko arete guasuetépe
apoíva peteĩ préso.
Peipotápa Barraba
térã hudiokuéra rréi”.
“Péva ndoroipotái,
Roma-gua la ore rréi.
Barraba eme’ê oréve,
péva ehupi kurusúre”.
“Aipóramo peraha,
kuimba’e joheipyrépe,
huguy to’a pende ári,
che ajepohéi henondépe”.
Ñañembo’e Padre Nuestro, Ave María ha Gloria.
Jepyta mokõiha: Jesús ohupihápe ikurusu.
2° ESTACIÓN:
Jesús carga con la cruz.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Ha ohechávoi Piláto
umi pa’i ruvicha
hudiokuéra myakãhára
reiete ojukaseha.
Chupekuéra ombovy’ávo
ohenói umi soldádo.
Kuarénta teju ruguái
Jesús apére oity hagua.
Heta oinupa rire
omoakãngora ñuatîme
ha péicha ogueru hikuái
opavave renondépe.
Ha ipojái hese hikuái
jagua ñarõicha oko’i
ha ohupi ijapére
pe yvyra pohyiete.
Ha péva pe kurusu
ichupe omokarapãva,
ndaha’éi ikausakue
upéva ñande pekádo.
Ñañembo’e Padre Nuestro, Ave María ha Gloria.
Jepyta mbohapyha: Jesús ho’a ñepyrûhápe.
3° ESTACIÓN:
Jesús cae por primera vez.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Oho anga pe tapére
heta Aña apytépe
osufri ñande rehe,
aichejáranga ndaipóri.
Ha’eñoite ko ojecha
tuicha jehasa asýpe
kurusu pohyiete
ijapére anga oraha.
Ohapy pe kuarahy
ha ijyuhéigui ikangypa,
ipysyry ha ho’a
pe yvýre opoñy.
Ikangypárõ jepe
opu’ã jevyjevy
ha ndohejái pe pochy
ojaitypo ikorasõme.
Ñañembo’e Padre Nuestro, Ave María ha Gloria.
Jepyta irundyha: Jesús ojuhuhápe isy.
4° ESTACIÓN:
Jesús encuentra a su Madre.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Ha upe jave oñemboja
oúvo la tre María,
ha ijykére oñembo’y
pe idisípulo ohayhúva.
Jesús ipy’a pirĩ
oñandúvo ou isy,
imemby péicha ojuhúvo
pe ikorasõ osoro.
“Péina upépe ne memby”
He’i Jesús Tupãsýme.
“Ha péina upépe nde sy”
he’i idisípulo Juan-pe.
Ha upépejeraka’e
Ñandejára oheja
upe isy ñande syrã
ñande rehe oma’êva.
Ñañembo’e Padre Nuestro, Ave María ha Gloria.
Jepyta poha: Simón Cirenegua oipytyvõhápe Jesús pe ohupívo ikurusu.
5° ESTACIÓN:
El Cireneo ayuda a Jesús a
llevar la cruz.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Ha peteĩ chokokuére
upérupi ohasáva
ipojái umi soldádo
pe ikurusu ohupika.
Jesús pe oipytyvõ
oikuaa’yre ichupe
ha upévajeraka’e
Pe Siréne-gua Simón.
Omoirũ ichupe tapére
oñandúvo iñembyasy
hapichápe ombovevúi
ty’aikue ha kane’õgui.
Ndoikuaái ramo jepe
hapicha ohasa asýva
upe hese ojapóva
Ñandejárare ojapo.
Ñañembo’e Padre Nuestro, Ave María ha Gloria.
Jepyta poteĩha: Verónica omokãhápe Jesús rova.
6° ESTACIÓN:
La Verónica enjuga el rostro de Jesús.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Umi hesa ha itĩngua
huguýpe anga oñemona
osyry hese hy’ái
ohecháva ipirĩmba.
Verónica ipy’aho
pe hóvare oma’êvo
ndaikatúi ojejoko
ha opo oguahê hendápe.
Omokã ha omopotĩ
Jesús rova ijahojápe
umi hesáre oma’
ha ipópe ojapichymi.
Ai-che-Jára anga, he’i
ipy’aitégui ombyasy
ha ndojeguarúi chugui
omokãvo hesay.
Ñañembo’e Padre Nuestro, Ave María ha Gloria.
Jepyta pokõiha: Jesús ho’a jevy mokõihápe.
7° ESTACIÓN:
Jesús cae por segunda vez.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Otyryrýntema oúvo
umi ijyva ososopa
hesakuare pe hova
ha ojapajeréi ho’ávo.
Ho’a hi’ári pytũ
ha opyta oñembyasy
yvýre ojepokyty
haimete ipy’aropu.
Heta ñande rapicha
oime ho’áva tapére
ndaipu’akái hekovére
ha ndaipóri omopu’ãva.
Péichaite anga oho Jesús
ho’a ha opu’ã jevy
omokã umi hesay
ha omboguata ikurusu.
Ñañembo’e Padre Nuestro, Ave María ha Gloria.
Jepyta poapyha: Kuñanguéra
Jerusalén-gua ohuvaitîhápe Jesús-pe.
8° ESTACIÓN:
Jesús encuentra a las mujeres de Jerusalén.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Ha ndaipórigui ombyasýva
oñemboja umi kuña
has hesay hováre
omokãvo isyva.
“Anive peneras
cherehe ha pembyasy.
Péicha oñemboharáirõ
ko’ãva Tupã ra’ýre.
mba’épa ndojapoichéne
ikangýva mboriahúre.
Aichejáranga umíva.”
He’i Jesús umi kuñáme.
“Umívake pembyasy
ani pehejarei,
ha pema’êvo hováre
che rovaite pehecháta”.
Ñañembo’e Padre Nuestro, Ave María ha Gloria.
Jepyta porundyha: Jesús ho’a jevy mbohapyhápe.
9° ESTACIÓN:
Jesús cae por tercera vez.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Ha upéicha anga oho
kuarahy aku iñakãre,
tuicha jehasa asýpe
haimetéma ipytupa.
Ndojehekýi ñenupãgui
ou ñemyañamyañáme,
mbaretépe omopoñy
ha oisu’u anga pe yvy.
Ha péicha hova yvýre
Jesucristo oñemoĩ
umi ojereko asýva
ha oñenupãva ykére.
Oguahê hasypeve
upe kalvário ru’ãme,
ha ojupi yvatevehápe
hekove ome’ê hagua.
Ñañembo’e Padre Nuestro, Ave María ha Gloria.
Paha jepyta: Ojepe’apahápe
Jesús-gui ijao.
10° ESTACIÓN:
Jesús es despojado de sus vestiduras.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Ohecháramo jepe
ndaikatuveiha oguata
mbaretépe omopu’ã
ndoikuaaséi mba’eve.
Ha noponderái hese
umi soldádo iñarõva,
oipe’a ichugui ijao
ha imántore oity po’a.
Mba’evéma nahembýi
hembiaporã ko yvy ári
ijehegui ome’êmbáma
mba’evete noñongatúi.
Ha oñandúvo oguetaha
hi’ári upe kuarahy
ipy’aite guive he’i:
“Oikova’erã oikopáma”.
Ñañembo’e Padre Nuestro, Ave María ha Gloria.
Jepyta pateîha: Jesús ojekutu ha oñemosaingohápe kurusúre.
11° ESTACIÓN:
Jesús es clavado en la cruz.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Huguýpe anga oñemonde
omoñenóvo pe yvýpe,
ha upepete oikutu
kurusúre ipy ha ipógui.
Jesús oryrýi osusũ
he’i yvágare oma’êvo:
“Ani ndepochy che Ru,
ndoikuáiguinte ojapo”.
Arai hû omo’ã
Jesús py’a uperire
ha’ete ku pe yvága
oñembotýva ichupe.
Ha ojesaupívo yvate
oñembyasy ha ipyahê:
“Che Jára ha che Tupã
mba’éreiko chereja”.
Ñañembo’e Padre Nuestro, Ave María ha Gloria.
Jepyta pakõiha: Jesús omanohápe kurusúre.
12° ESTACIÓN:
Jesús muere en la cruz.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Upéicha oguejy pytũ
pe hetére nahendáigui
ijuku’a, ojepoka,
he’i hatã: “Chey’uhéi”.
Vinágre ome’ ichupe
irokuete omboy’u,
ha’éningo pe oipotáva
ha’e ñane mborayhu.
Ha oñehêvo ipy’águi
hyku pe iñe’ê paha:
“Che Ru, aheja nde pópe
che ánga che rekove”.
Ndogueruvéi ipytu
ha omoñeno pe iñakã,
opa pe hekovemi
ha omboty ára resa.
Pe yvy oryryipa
ha kuarahy iñypytû,
guyrakuéra okirirĩ
hasêvaicha umi arai.
Ñañembo’e Padre Nuestro, Ave María ha Gloria.
Jepyta paapyha: Jesús rete oñemboguejy kurusúgui ha oñeme’êhápe isýpe.
13° ESTACIÓN:
Jesús es bajado de la cruz y
entregado a su Madre.
- Romomba’e guasu Ñandejára Jesucristo. - Kurusu marangatúre ehechauka orerayhuha.
Ou ohecha umi soldado
omanómapa añete,
ha oikutu pe ipyti’a
lánsa pukúpe ombokua.
Ysyrýicha oguejy
ikorasõgui huguy,
tuichaitégui imborayhu
ñanderehe ndahypáiva.
Ani haguã opyta
kurusúre he’õngue,
pya’ete oñemboguejy
pe isy rapypa’ûme.
Has anga Tupãsy
ndaipóri chupe consuelo.
Hesaýpe omopotĩ
upe imemby retemi.
Ñañembo’e Padre Nuestro, Ave María ha Gloria.
Jepyta parundyha: Jesús rete oñeñotyhápe.
14° ESTACIÓN:
Jesús es puesto en una sepultura.
- Romomba’e guasu Ñandejára Jesucristo. - Kurusu marangatúre ehechauka orerayhuha.
José de Arimatéa
oheka Jesús rete,
pytû mboyve oraha
oñotvo itakuápe.
Omboty ita guasúpe
pe hete oñeñotyha,
ha upépe anga opyta
ha’eñomi yvyguýpe.
Oñeñuvã ñasaindýpe
oikévo pe pyhare
mbyjakuéra okirirĩ
ha yvága osapymi.
Ñañembo’e Padre Nuestro,
Ave María ha Gloria.
Opakuévo kurusu rape
Ha péina ñamohu’ãma
ñande kurusu rape
ñamoirûma Kiritópe
ñande rehe omanóva.
Heta ko oime ohasáva
ñembyasýpe opa hendápe
ijapére omboguatáva
kurusu pohyiete.
Umivahína Jesús
oiméva oma’ê asy
ha oha’arõ ñamokã
hovágui umi hesay.
Amén.
Pa’i Alberto Luna
Santiago de Chile
Semana Santa abril 2022.
